Foreldrafundadagur

Nú er skólinn farinn vel af stað eftir jólafrí.

Næst á dagskrá eru foreldrafundir þar sem farið verður yfir stöðu nemenda hvað varðar nám og liðan. Nemendur munu á næstu dögum fá heim könnun um líðan þeirra í skólanum, foreldrar eru beðnir um að fara yfir hana með sínum börnum fyrir viðtalið.

Einnig biðjum við foreldra um að fara inn á mentor og skoða það námsmat sem komið er inn, hér má sjá góðar leiðbeiningar frá mentor hvernig það er skoðað. https://www.youtube.com/watch?v=cKCW5q-_QZ8

Foreldrafundadagurinn er miðvikudaginn 24. janúar.

Enginn skóli er þann dag en nemendur mæta með foreldrum sínum á fund. Skráning í viðtalið fer fram í gegnum mentor og hér eru leiðbeiningar um hvernig það er gert: https://www.youtube.com/watch?v=mEFYnJhJAsM 

Gleðileg jól og farsælt komandi nýtt ár

Starfsfólk GRV óskar nemendum og foreldrum gleðilegra jóla og farsældar á nýju ári. Þökkum fyrir samstarfið á árinu og hlökkum til áframhaldandi samstarfs. 
Skóli hefst á ný fimmtudaginn 4. janúar.

Litlu jólin

17. desember 

5. bekkur sýnir helgileikinn í Landakirkju kl. 11:00

19. desember 

5. bekkur sýnir helgileikinn fyrir íbúa og gesti Hraunbúða kl. 9:30 og svo einnig í sal Hamarsskóla fyrir yngri nemendur.

19. desember Litlu jól hjá 5. -10. bekk

kl. 16:00 - 18:00        Litlu jól hjá 5 -7. bekk, dansað kringum jólatré og samvera í stofu.

kl. 17:00-19:00          Litlu jól hjá 8. -10. bekk, dansað kringum jólatré og samvera í stofu.

20. desember Litlu jól hjá 1. -4. bekk

Jólaball og samvera í stofu, nemendum verður boðið upp á kakó, smákökur og mandarínur.

kl. 08:00 - 10:00        3. og 4. bekkur 

kl. 10:00 - 12:00        1. og 2. bekkur                    

Jólasveinar mæta á staðinn

 

Smiðjudagar í 6. og 7.bekk

-Nú er að koma að svokölluðum smiðjudögum hjá okkur á miðstiginu. Þeir dagar eru dagana  13. – 15. desember. Krakkarnir hafa valið sér smiðjur eftir áhugasviði og eru nemendur í tveimur smiðjum á dag. Nemendur hafa fengið að vita í hvaða smiðjum þeir eru og er mikilvægt að fylgjast með því í hvaða smiðju hver nemandi er, því ekki á að mæta í skólann í öllum smiðjunum.

Þessa daga þurfa krakkarnir ekki að koma með skóladót í skólann. Einungis þarf að hafa með það sem þarf í þær smiðjur sem þeir hafa valið sér. Viðvera í skólanum er þá frá kl. 8:00-12:30 og ekki verður farið í sund eða leikfimi. Nemendur þurfa að hafa með sér nesti þessa þrjá daga ! 

Föndurdagur 7. desember

Fimmtudaginn 7. des. verður föndurdagurinn okkar í GRV- Hamarsskóla, þá leggjum við hefðbundið skólastarf til hliðar. Nemendur blandast á milli árganga og föndurstöðvar verða um allan skóla. 
Við höfum boðið foreldrum að vera með á þessum degi og hefur verið mikil ánægja með það. Ef þið hafið tækifæri til að vera með okkur þennan morgun eða part úr morgni langar okkur að bjóða ykkur sérstaklega velkomin í skólann þennan dag. 
Allir nemendur fara á þrjár föndurstöðvar, frá kl. 8:00 – 9:20, frímínútur frá kl. 9:20 – 9:40, 9:40 – 10:00 er nestistími.
Nemendur byrja aftur að föndra kl. 10:00 – 11:00, frímínútur frá kl. 11:00 – 11:20 og þriðja föndurstöðin hefst kl. 11:20 og lýkur skóla þennan dag kl. 12:40. 
Foreldrum er boðið upp á kaffisopa í matsal skólans í frímínútum.